Turbeskrivelse Trollvasstinden og Bytnigstinden

Tilkomst/parkering: Lisjebøvatnet. Ta ferja Volda– Folkestad og ta av på veg 40 like etter ferjekaia og køyr om lag 11 kilometer sørvestover langs Dalsfjorden. Ta opp til venstre ved Dale og følg «Fjellvegen» opp til Lisjebøvatnet, som brukar vere open utpå vårparten.

5.1.1 Opp frå Lisjebøvatnet ➋ Utfordrande

Frå parkeringa ved vatnet tek du sikte på ryggen som leier deg opp til Geitmjølkhornet (915 moh.). Komen opp her, kan du følgje den slakke ryggen vidare heile vegen søraust- over til toppen av Trollvasstinden. Ein kan følgje same veg ned som ein kom, noko som gjev krusing heile vegen langs ryggen, før ein duppar ned mot vatnet.

5.1.2 Ned til Sanden sæter ➌ Komplekst

Frå toppen kan ein på skredtrygge dagar få ei nydeleg nedkøyring direkte ned til Sanden sæter. Den sørvestvendte sida byr på over 800 høgdemeter køyring med hellingsvinklar på opp mot 35 grader i øvste delen. Om ein vel denne nedkøyringa, må ein ha skyss attende til Lisjebøvatnet.

Finn flere toppturer du kan gå i Dalsfjordfjella og Sunnmørsalpene.