Skiturer i Austefjordområdet - Dalsfjordfjella

Turar og fjell i oversiktskart

9. Snøhornet reiser seg lik ein kvit pyramide og byr deg inn til ei flott nedkøyring i moderat terreng.

10.Trollvasstinden og Bytingstinden ligg side om side, og desse fjella byr på ein verkeleg flott skitur både opp og ned, same kva for side du startar frå og endar opp på.

11. Lisje-Toren merkjer seg ut som ein særleg alpin fjellformasjon mellom i hovudsak meir avrunda fjell her i den sørlege delen av Sunnmørsalpane.

12. Klakken - Turen frå toppstasjonen på Harpefossen skisenter til er relativt lang, men veldig slakk, og eignar seg slik for dei som ikkje likar dei brattaste hellingsvinklane.

Austefjordområdet

I dei sørlege delane av Sunnmøre finn ein den harmoniske Austefjorden, og med den nye Kvivsvegen har avstanden blitt kort også til Nordfjordområdet.

I dette området er fjella noko lågare og meir avrunda i forma enn fjella kring Hjørundfjorden. Dette gjer heile området særs veleigna for fine skiturar i moderat terreng.

Dei fleste turane kan gjerast gjennom heile vinteren, då vegsambanda stort sett er heilårsopne her.

Austefjorden er kan hende eitt av dei mest undervurderte toppturområda i Noreg, med eit fabelaktig og harmonisk utsyn frå dei fleste turane.

Lengre ute finn ein mange flotte toppar kring den smale og spektakulære Dalsfjorden.

Dersom ein køyrer gjennom Kvivstunnelen, opnar det seg eit nydeleg utsyn mot dei storslegne grensefjella mot Nordfjord, med Hornindalsrokken som sjølve kongen på haugen.