Topptur Klakken på Sunnmøre - 1256 moh.
Turbeskrivelse Klakken
Turen frå toppstasjonen ved Harpefossen skisenter til Klakken er relativt lang, men veldig slakk, og eignar seg slik for dei som ikkje likar dei brattaste hellingsvinklane.
- Hovedområde: Sunnmørsalpene
- Underområde: Dalsfjordfjella
- Toppunkt: 1256
- Høydemeter: 450
- Kilometer: 6
- Faremomenter: Skavlar langs toppegga og orienteringsvanskar ved skodde og snødrev. Dersom du følgjer den skildra ruta, unngår du skredterreng.
- Startsted: Harpefossen skisenter
- Tid opp/ned: 3 timar frå toppstasjonen. 4 timar frå botnstasjonen.
- Ekstra utstyr: Hjelm, spade, søkjestong, sendar–mottakar, randonée- eller telemarkski og vinterklede.
Tilkomst/parkering: Harpefossen skisenter. Følg hovudvegen frå Nordfjordeid mot Måløy, men ta av ved Haugen og følg skilting mot «Skisenter».
5.4.1 Opp frå Harpefossen skisenter ➊ Enkelt
Ta gjerne skitrekket opp til toppstasjonen. Gå no nordaustover til Tjønndalsvatnet og vidare nordvestover til Kringlevatnet. Følg deretter slakt terreng oppover det store platået mot egga sør for Klakken, som du følgjer til topps. Turen er tidvis preparert med trakkemaskin heile vegen frå skisenteret og nesten til topps. Skli same veg attende. Når du nærmar deg skianlegget, kan du eventuelt ta ned venstre og få nydeleg frikøyring i open skog ned mot hyttefeltet vest for anlegget.
Finn flere fine toppturer du kan gå i Dalsfjordfjella og Sunnmørsalpene.
