Turbeskrivelse Blåtinden

Tilkomst/parkering: Blåtind Boutique Hotel. Følg hovudvegen mellom Stordal og Liabygda, og parker ved Blåtind Boutique Hotel i Rødsetdalen.

9.1.1 Opp frå Blåtind Boutique Hotel ➋ Utfordrande

Følg skogsbilveg i om lag 2 kilometer oppover Ekrelia og Litlelia til du når eit høgdedrag i om lag 650 meters høgde. Ta over høgdedraget i søraustleg retning og hald denne retninga vidare oppover mot Blåtindhola til du er komen opp 850 meters høgde. Vend her sørvestover (høgre) og følg ein slakk flanke oppover til du når vestryggen av Blåtinden, som du deretter følgjer til toppen. Det tryggaste er å følgje same veg ned som ein kom opp, noko som gjev fin-fin køyring i variert og flott skiterreng heile vegen attende til hotellet.