Sognekallet

Ho seier: Sogndal ligg ein stad mellom Tungestølen og Balestrand-festivalen, mellom Fresvikbreen og High Camp Turtagrø. Sogndal ligg veldig langt frå Aker Brygge, men ganske nært British Columbia. Ganske langt frå Bryggen i Bergen, men veldig nært Himalaya.

Ta bussen hit – gjennom Nord-Afrika. Ta eit propellfly hit – eg trur flyplassen heiter Lukla. Køyr ein gammal Land Cruisar hit – frå eit skisenter i Georgia. Eller endå betre: kom syklande hit, på ein gravelsykkel, midt på vinteren – med telt, og sovepose, og ski, og GoPro-kamera – gjerne heilt frå Alagna.

Les også

Skiturer Sogn

Toppturer i Sogn. Sogn er blitt det nye senteret for løssnøkjøring og toppturer i Norge, på grunn av store snømengder og skivennlig terreng som er svært lett tilgjengelig.

Du kan seie at Frankrike har Chamonix, at New Zealand har Queenstown. Du kan seie at USA har Jackson Hole, at Italia har Cortina d’Ampezzo. Men du kan ikkje seie at Noreg har Sogndal. Det er Sogndal som har Noreg. For Sogndal er ein song. Sjølve nasjonalsongen.

Ikkje prøv å seie noko mellom linjene i Sogndal. Ikkje skriv noko oppå linjene, heller Berre finn di eiga linje – på ski –ned frå Store Dyrhaugstind. Ei bratt ei – ned mot Ringsdalen. Så skjønar alle kva du snakkar om.

Det finst sjølvsagt dei som kviskrar noko om Volda: «Dei har òg studentar og fjell». Det finst dei som mumlar noko om Åndalsnes: «Dei har Trolltindane, og Kilian Jornet, og Raumabanen.» Men berre Sogndal er Sogndal. Berre Sogndal har to dalar: Sogndalsdalen. Det er berre Sogndal som har to Togga: Togga 1205 og Togga 1340.

Det er berre Sogndal som har Hodlekve, Lammanipa og Tyldringen. Det er berre i Sogndal du kan dra på dagstur til både Hurrungane og Stølsheimen, Jostedalen og Breheimen. Og ete på Dampskipskaien etterpå.

Les også

Turbeskrivelse Togga 1340

Topptur til Togga 1340. Togga 1340 moh ligg ein kilometer lengre vest enn Togga 1205 moh. Denne toppen har to oppturar og to nedfartar.

Sogndal, seier du? Kva er det?

Ikkje ein by. Ikkje ei bygd. Meir som eit bål i ein nasjonalpark. Meir som ei kongeørn som kjem inn i skiboden din. Sogndal er ei gamal Lowe Alpine-lue nokon fann på loftet på Tindeklubhytta. Sogndal er ei dunjakke full av MacGyver-teip. Ei skalljakke frå 80-talet som toler vind, vatn og skarpe kommentarar. Og likevel pustar ho.

Sogndal er ein friend. Eit kilesett. Sogndal er eit dynamisk tau – som knyt saman to menneske i kvar sin heimestrikka genser. Snart flyttar dei inn i eit rekkehus. Åttetalsknutane varer til evig tid.

LES OGSÅ

De beste toppturskiene for allsidig bruk

Toppturski med mellom 85 og 100 millimeter midtbredde er nok til å flyte bra i pudder og myk snø, samtidig som vekten er lav. Her er 12 nye tester og guide til valg av riktig toppturski.

Kan smarttelefonen erstatte actionkameraet?

Trenger du egentlig å bruke 5500 kroner på en GoPro hvis du bare kan bruke mobiltelefonen i stedet? Vi testet GoPros nyeste kamera mot en iPhone til sykling.

Toppturer fra Turtagrø Hotel

Turtagrø Hotell er et mye brukt utgangspunkt for noen av de fineste toppturene i Hurrungane og Jotunheimen. Her er oversikt over hvilke turer du finner fra hotellet.