Topptur Skurven på Sunnmøre - 1584 moh.
Turbeskrivelse Skurven
Skruven byr på ein lang og fin skitur i for det meste slakt terreng som likevel leier deg opp ein av dei høgre toppane i Sunnmørsalpane, med storslege utsyn mot Norangsfjorden og dei bratte tindane ikring. Sidan turen er lang sjølv frå Ringdalsstøylen, er det best å ta turen seint på våren, etter at den 6 kilometer lange setervegen er open heile vegen til endes.
- Hovedområde: Sunnmørsalpene
- Underområde: Rånahalvøya (Hjørundfjorden)
- Toppunkt: 1584
- Høydemeter: 1100
- Kilometer: 5
- Faremomenter: Ver merksam på skredterreng i sida opp mot toppen. På toppryggen kan det danne seg store skavlar.
- Startsted: Ringdalstøylen
- Tid opp/ned: 4 timar.
- Ekstra utstyr: Hjelm, spade, søkjestong, sendar–mottakar, randonée- eller telemarkski og vinterklede.
Tilkomst/parkering: Ringdalsstøylen. Følg hovud- vegen mellom Hornindal og Stranda, og ta av opp ved skiltet «Ringdal» like vest for Hellesylt. Ta no opp nokre svingar til Ringdal og vidare på seter- vegen heile vegen inn Synnylvsmoldskreddalen til Ringdalsstøylen.
2.11.1 Opp frå Ringdalsstøylen ➌ Komplekst
Frå støylen kan du ta opp på ryggen til venstre og leggje turen innom Lisje-Skruven (1548 moh.) før du går vidare til topps. Ein kan følgje om lag same veg ned, noko som gjev fin-fin krusekøyring.
2.11.2 Direktelinja ned i Russadalen ➌ Komplekst
Dersom ein vil ta ei litt brattare nedkøyring, kan ein frå toppen ta meir direkte ned mot Russadalen, før ein sklir ned mot Tverrdalen og støylen.
Finn flere toppturer du kan gå i Sunnmørsalpene og på Rånahalvøya her.
