Tilkomst/parkering: Melbøsætra og Vollane. Følg hovud- vegen til Barstadvik. Ta her opp ved skilt merka Erdalen og følg vegen langs dalen, over ei bru, og vidare langs setervegen til Melbøsætra. Parker bil 1 her. Ta bil 2 om lag 1 kilometer attende til «krysset» ved fremste garden, der ein tek til høgre og følgjer vegen i om lag 1,5 kilometer til ein kjem til Vollane. Parker ved Tverrelva.
Molladalen sett frå Middagshornet. Rametinden til venstre, Jønshornet i midten og Randers’ Topp og Mohns Topp til høgre. Foto: Håvard Myklebust
Topptur til Jønshornet i Sunnmøre - 1419 moh.
Turbeskrivelse Jønshornet
Jønshornet er eit krevjande vinterfjell som byr på eggklyving, utruleg utsyn, bratt rennekøyring og ein fin rundtur med mange ingrediensar for den erfarne alpinisten.
Bøker
KAST
FAKTA
- Hovedområde: Sunnmørsalpene
- Underområde: Kolåshalvøya (Hjørundfjorden)
- Toppunkt: 1419
- Høydemeter: 1300
- Kilometer: 6
- Faremomenter: Stor fare for skavlbrot langs egga frå Rametinden til toppen. Skredterreng i toppområdet og i den opp mot 45 grader bratte Jønshornrenna og utsklidingsfare ved Molladalsporten.
- Startsted: Vollane
- Tid opp/ned: 5 timar
- Ekstra utstyr: Hjelm, spade, søkjestong, sendar–mottakar, randonée- eller telemarkski og vinterklede.
1.1.1 Opp frå Vollane via Rametinden ➌ Komplekst
Gå gjennom stålgrinda ved elva og følg stien oppover først på venstre side og så på høgre side av elva til terrenget legg seg ved Vollesætra. Herifrå går ein i relativt slakt terreng opp til Rametinden. Følg ryggen og etter kvart egga sørover mot Jønshornet. Ver merksam på store skavlar mot fjorden.
1.1.2 Ned Jønshornrenna og Molladalsporten ➌ Komplekst
Følg toppflanken 250 høgdemeter ned til skaret ved Molladalsgubben. Ta her ned Jøns- hornrenna til Storevatnet i Molladalen. Ved optimale snøforhold får den erfarne alpinisten spektakulær køyring på toppflanken og vidare ned den opp mot 45 grader bratte renna, før terrenget legg seg vidare nedover mot Molladalsporten. I Molladalsporten er det bratt og utsett terreng ned mot elva same kva for side ein vel. Ver derfor merksam på fare for både skred og utskliding. Komen ned til Melbøsætra, tek ein bil 1 dei 2,5 kilometrane attende til bil 2 på Vollane. Praktisk!
Finn flere flotte toppturer i Sunnmøre og Sunnmørsalpene her.
Turområde
Hjørundfjordområdet - Kolåshalvøya
Kolåshalvøya er omkransa av Ørstafjorden/Vartdalsfjorden i vest og Hjørundfjorden i aust. I dette området finn…
Les mer