Topptur Sunndalsnipa på Sunnmøre - 1396 moh.
Turbeskrivelse Sunndalsnipa i Sunnmørsalpene
Fjellet byr på ein nokså lang, men slakk skitur i flotte omgjevnader. Ned- køyringa går i kupert og flott terreng, med avslutning i open lauvskog. Turen er eit godt alternativ tidleg på vinteren, sidan vegen opp til Grøn- dalsvatnet er heilårsopen, og sidan ruta er sørvendt og dermed solrik også i dei mørkaste vintermånadene.
- Hovedområde: Sunnmørsalpene
- Underområde: Austefjordfjella
- Toppunkt: 1396
- Høydemeter: 1000
- Kilometer: 5
- Faremomenter: Orienteringsvanskar langs toppryggen ved skodde eller snødrev. Skredfaren er liten om du følgjer søraustryggen opp og ned.
- Startsted: Grøndalen
- Tid opp/ned: 3 timar
- Ekstra utstyr: Hjelm, spade, søkjestong, sendar–mottakar, randonée- eller telemarkski og vinterklede.
Tilkomst/parkering: Grøndalsvatnet. Følg E39 frå Volda langs Austefjorden og vidare inn til Kalvatn. Ta her høgre mot Osdalen og vidare opp den heilårs- opne vegen opp bakkane til Grøndalsvatnet.
4.1.1 Opp frå Grøndalen ➋ Utfordrande
Følg setervegen eit kort stykke innover, før du tek av nordover gjennom open lauvskog i slakke bakkar til du når søraustryggen. Følg denne heile vegen til topplatået, som strekkjer seg endå ein kilometer nordover mot toppvarden. Hald deg heile vegen nær midten av platået, slik at du ikkje hamnar utfor dei bratte veggene i vest og aust! Følg same veg ned i slakt og etter kvart kupert terreng.
4.1.2 Ned Sørflanken ➌ Komplekst
På skredtrygge dagar kan du køyre brattare ned Sørflanken, noko som gjev fin-fin krusing, både i puddersnø tidleg på vinteren og i kornsnø utpå vårparten.
Se her for å finne flere toppturer du kan gå i Sunnmørsalpene og Austefjordfjella.
