Topptur til Fingeren på Sunnmøre - 1180 moh.
Turbeskrivelse Fingeren
Fingersida har blitt ein svært populær skitur. Ta gjerne turen på ein føremiddag i vintersola då det er gode sjansar for å få ei flott nedkøyring i puddersnø. Snøen legg seg tidleg i dette området, og mange startar derfor skisesongen her.
- Hovedområde: Sunnmørsalpene
- Underområde: Kolåshalvøya (Hjørundfjorden)
- Toppunkt: 1180
- Høydemeter: 800
- Kilometer: 3
- Faremomenter: Skredterreng under Noklane i 700-800 meters høgd.
- Startsted: Standalhytta
- Tid opp/ned: 2-3 timar
- Ekstra utstyr: Hjelm, spade, søkjestong, sendar–mottakar, randonée- eller telemarkski og vinterklede.
Tilkomst/parkering: Standaleidet. Følg vinteropen veg mellom Follestaddalen og Standal. Parker langs vegen ved dyrkamark like vest for Standalvatnet.
1.14.1 Opp frå Standalvatnet ➌ Komplekst
Følg veg vest (til venstre) for dyrkingsfeltet og vidare gjennom open lauvskog til ein når botnen av moreneryggen, som ein følgjer opp til 800 meters høgd, der ein tek av vestover mot skaret nord for Fingeren. Snøforholda og eigen kompetanse avgjer om du vil klatre heilt til topps. Dei aller fleste snur i skaret.
Ein kan følgje same veg ned som ein gjekk opp, noko som gjev moderat nedkøyring med 30 graders hellingsvinkel på det brattaste. Alternativt kan ein renne meir direkte med mot Myklebustsætra, men då må ein gjennom litt småskog mot slutten.
Finn flere toppturer du kan gå i Sunnmøre og Sunnmørsalpene her.
