Turguide til rundtur rundt Jølstravatnet

Undervegs har du fleire alternativ for å kome deg raskt ned igjen til sivilisasjonen, dersom du må avbryte turen. 

Det fine med rundturen rundt Jølstravatnet er at det berre er fantasien som set grenser for korleis du vil gjere din tur. Her er uendeleg med mogelegheiter. Du kan til dømes velje å gå den motsett veg, lage både fleire eller færre etappar og velje å gå oppom endå fleire av dei flotte toppane rundt Jølstravatnet.

Heile rundturen har og vore gått på ein dag av Sindre Hoff og Øyvind Aastad Kjøs våren 2020, på ca. 17 timar.

Imponerande. Men du vil kanskje heller nyte ruta over fleire år, ved å ta ei og ei etappe når du er på påskeferie i Sunnfjord?  Eller kanskje du vil forlenge ruta, og gjere den ekstra utfordrande, ved å gå rundt Kjøsnesfjorden også som ei heilt ny etappe?

Uansett så ligg fjella her og ventar på deg.

Etappene på Jølstravatnet rundt

Dag 1 Jølstravatnet rundt: Jølster skisenter – Kvamsfjellet – Gjesdalsdalen – Nonsnipa – Sandalen. 

Første etappen startar i Jølster Skisenter og går over Kvamsfjellet og Nonsnipa, og endar opp i Sanddalen.

Dag 2 Jølstravatnet rundt: Sanddalen – Åsfjellet – Åsstøylen – Olahansfjellet – Dvergsdalsdalen – Støylsnova – Kjøsnesfjorden.

Andre etappe startar rett ved Nikolai Astrup sin heimstad i Sanddalen.

Dag 3 Jølstravatnet rundt: Skei – Blåfjellet (Isdronninga) – Helgheimsdalen – Såtefjellet – Årdal i Jølster.

Tredje etappe startar med å gå opp på Blåfjellet som er betre kjent som motivet Isdronninga, slik målaren Nikolai Astrup såg fjellet frå hi sida av Jølstravatnet.

Dag 4 Jølstravatnet rundt: Årdal i Jølster – Bjørsetfjellet – Ålhus – Steinegga – Svidalen – Tindefjellet – Svidalen/Vassenden.

Fjerde etappe startar med å gå opp på Bjørsetfjellet der du under oppstigninga har flott utsikt austover Jølstravatnet i retning mot Skei.

Sesong: Januar–april
Tid: Fire dagar, men kan gjerast både lengre og kortare
Stigning: 6800 høgdemeter
Fall: 7100 høgdemeter
Lengd: 71 km
Utstyr: Ved normalt gode tilhøve er det ikkje behov for utstyr utover skredutstyr
Kart: Norge-serien: Jølster. 1:50 000 dekkjer heile ruta
Tips: Gradering etter terrengklassifisering, eksponerings- og vanskegrad er sett per dagsetappe ut frå den mest krevjande delen av etappen.

Overnatting: Jølster har fleire overnattingsstadar som kan vere aktuelle, sjå Jølster365 (jolster365.no) for meir informasjon. Sjå òg opplysningar under kvar dagsetappe.

Mat: Lag ein god plan for matrasjonar du må ha med deg for heile turen

Les om gjengen som gjennomførte turen her.

Du kan lese flere turbeskrivelse til andre topper i Sunnfjord her.