Mykje leikent terreng i Sogn. Foto: Hans Kristian Krogh-Hansen
Lesetid: 3 minutter
«Å, jeg vet en seter, med så mange gjeter, ..» skreiv Margrethe Munthe med inspirasjon fra Anestølen.
Ho leigde i fleire somrar ei hytte på Selseng. Den kjente barnesangen skreiv ho til budeia Anne Selseng på Anestølen.
Frå Anestølen kan ein også gå turar til Berge i Fjærland eller til Frudalen. Innmarsjen til Anestølen gjer til at fjella her er mindre brukt. Dette igjen gjer at det er mykje uspora snø.
Parkering: Avkøyring frå riksveg 5 nord for Dalavatnet i Sogndalsdalen er skilta Selseng og Anestølen.
Kjem ein frå Fjærland, er Selseng første avkøyring etter Frudalstunnelen. Parkeringsplassen er brøyta og ligg kring 50 meter etter brua.
Det er også fri parkering ved den koselege kaféen Uteplassen på Selseng. Her er det óg hytteleige.
Innmarsj til Anestølen: Frå parkeringa er det tre kilometer inn til Anestølen. Innmarsjen følgjer ein ubrøyta veg på austsida av Selsengselvi.
Ein kan korte ned innmarsjen ved å gå over Anestølsvatnet om isen er trygg. Eit faremoment ved innmarsjen til Anestølen er at ein er i utløpsona til snøskred frå Torstadnakken.
Vurder skredfaren ved innmarsj til Anestølen. Tidsbruk til Anestølen er 1–1,5 time.
Oversiktskart over Sogndalsdalen og Fjærland. Frå Toppturar i Sogn
Området: Sogndalsdalen byr på eit nettverk av dalar og fjellmassiv med ulike terrengtypar:
Her finn du store breie snøflankar, luftige ryggar og renner for dei fleste ferdigheitsnivå.
Det nordlege området av Sogndalsdalen møter fjella på Fjærlandsida.
Fjella og dalane er forma slik at alle dalføra heng saman for skifolket. Ein kan lenke saman store delar av Sogndalsdalen med fjellovergangar.
Det er mogleg å gå lengre skiturar over fleire toppar og ende i ei anna bygd enn der du starta. Overgangane mellom fjellmassiva er innteikna på oversiktbileta.
Når det snør tett og det ikkje er vêr til topptur, kosar mange skikøyrarar seg i skogen.
I Fjærland og Sogndalsdalen er det alt frå skogskøyring med jamn hellingsvinkel til bratt skogskøyring med snøputer og naturlege hopp.
Mange blir overraska av at eit så lite geografisk område som Sogndalsdalen har så mykje flott skiterreng, og at det berre ligg 15–20 minutt frå Sogndal sentrum.
Ver, snø og sesong: Eit kjenneteikn for Sogndalsdalen er mykje snø i dalen og fjella rundt. Sesongen strekker seg frå november til og med mai.
Kart: Turkart Sogndal–Leikanger 1:50000 eller 10055 Sogndal, Norge-serien, dekker heile området som er skildra i kapitellet Sogndal og Fjærland.
Komme dit: Sogndal lufthamn, Haukåsen ligg 20 min frå Sogndal sentrum.
Det går ekspressbussar frå Oslo og Bergen med fleire daglege avgangar, samt dagleg hurtigbåt frå Bergen.
Butikkar: Det er kjøpesenter og andre butikkar i Sogndal. Ein finn også spesialbutikkar for ski og fjellsport.
Dei fleste matbutikkjedene har butikk i Sogndal. Det er fleire kafear og restaurantar å velje mellom.
Årleg vinteraktivitet: Fjellsportfestivalen i februar (fjellsportfestivalen.no)
Overnatting: Sogndal Lodge (sogndallodge.no) og Uteplassen (ute-plassen.no) på Selseng satsar spesielt på skifolk.
I Sogndal finst elles ei rad overnattingsalternativ, frå campingplassar til hotell. Sjå Sognefjord.no
Guiding: Norgesguidene (norgesguidene.no) og Bre og Fjell (breogfjell.no)
Allerede abonnent?
Norges største og beste magasin om ski, topptur og bratt friluftsliv - siden 1998
Med magasinKun digitalt
99 kr/md i 12 md*
+ 8 utgaver av Fri Flyt magasin
119 kr/md i 3 md*
+ 2 utgaver av Fri Flyt magasin
*Forutsetter 6 eller 12 måneder bindingstid. Kanselleres når du vil, med tilgang ut bindingstiden. Fornyes automatisk hver måned etter bindingstiden.
Er du under 28 år?
Da får du halv pris på Fri Flyt.
Slik fungerer det:Betal med Vipps, del fødselsdatoen din med oss og få halv pris fram til du fyller 28 år. Når du har fylt 28 år endrer vi til vanlig pris, og sender deg et varsel i forkant.
Alle abonnement fornyes automatisk til ordinærpris. Kanseller når du vil, men senest 48 timer før fornyelse. Se Fri Flyts bruker- og abonnementsvilkår her.
