Lokal jibbeprofil vant frikjøringskonkurransen

Tidlegare har barslagsmål vore einaste løysing, men Veko tek nok ein gong sitt samfunnsansvar og heldt måndag frikøringskonkurransen «City vs Village». Her skulle ein endeleg avgjerda kven som i sum skåra best i bratte fjellsider. Byfolket eller bygdedyra. Og i tillegg var det rom for litt individuell kniving.

Veret var ok, snøen var kompakt og noko bølgete etter ein hard smeltesesong, og låra til alle eg møtte var på ingen måte klar for dette. Men straks radioen skurra «klart» såg ein alvoret i augo i det ein etter ein gav alt for å setje fjellheimen på hovudet. For når alt kom til alt var det individuelle prestasjonar det stod om. Bygd vs by var ikkje så viktig lenger, no når stortingsvalet var over og det ikkje lenger satt ein Vedum i mosen og ropa ulv. Samtlege tok jobben med å laga show og god stemning på alvor. Ingen tok seg sjølv så alvorleg.

I mål kunne me høyre ropa i det juniorklassen sette den første backflipen, og samtlege unge lovande gav gass til det forholda tillet.

– Fy f… så sliten eg vart! Og det gjorde vondt med alle slaga.

Gjendine Solstad har drive med frikjøring ei stund, men snødekket på Vikafjellet i juni vart ein prøvelse. Da seniorane kom var det tydeleg at dei også måtte bryne seg på røffe landingar mot mål, men at dei ikkje ville vere dårelgare enn kidsa. Det skrapa i grovkorna snø når stålkantar sette svingar og andlet fungerte som nødbrems etter eit garasjesal. De veit korleis frikøyring er. Det som merka seg ut her var den store andelen som deltok i ein frikøyringskonkurranse for første gong. 

– Eg var ikkje heilt klar for dette. Lenge sida skisesongen. Men snøen var fin på toppen.

– Og du sette triksa

– Yes.

Elias Paldan er til vanleg ein særs habil jibbar, og debuterte på Veko. Som frikøyrar altså. Det vert truleg ikkje den siste.

– Du veit når jibbarar har dagen i storfjellet så vert det stort sett siger. Neste år skal eg vise desse slappe freeridarane korleis ein styler ei fjellside!

Klar melding der, altså.

Enden på soga - resultatlista altså - vart slik:

Junior menn:

1. Endre Frønsdal (94p)

2. Mikkel Landro (86p)

3. Ask Martenson (79p)

Junior Kvinner:

1. Gjendine Solstad

Ski menn:

1. Elias Paldan (75p)

2. Eskil Berge (73p)

3. Anton Sæten (70p)

Ski kvinner:

1. Yasmin Kaldestad (35p)

2. Marit Slåtten (33p)

3. Claire Millar (30p)

Flere resultater under bildet!

Snowboard kvinner:

1. Caroline Onarheim (55p)

Snowboard menn:

1. Samuel Christenson (80p)

2. Tim Douglas (50p)

3. Andreas Storebø (45p)