Turbeskrivelse Vetle Geisdalen
Topptur til Vetle Geisdalen. Solrike Vetle Geisdalen er mål nummer ein for jostedøler før sola kjem høgare på himmelen og Vanndalen vert meir aktuell.
Det er for det meste fint og greit terreng i Vetle Geisdalen, men for skilauparar som likar luft under skia er staden eit snøsikkert minigolf-område.
Det vil seie at bakkane på vestsida av dalen er bratte med hamrar, hopp og småskavlar, men nedfartane er maks 220 høgdemeter.
Altså ideelt for bratte toppturar der renna ned har alt fokus, og felletraskinga berre er for å halde varmen mellom droppa. Vetle Geisdalen har vore og er arena for både rando-og stupkøyringskonkurransar.
Vi minnar ellers på at ein reknar alle heng over 10 meters høgd som skredterreng om det er bratt nok!
Opptura
Gå som mot Geisdalsnosi, og opp over skoggrensa. For å komme opp på Vetlegeisdalshalsane, som er ryggen mot vest heiter samstundes som ein studerer linjer kan ein gå inn heile dalen og opp innerst i botnen.
Ellers kan ein også ta av vestover opp ein kort (150 høgdemeter) rygg frå litt før vatnet. Vestsida av dalen vert stort sett brattare jo lengre nord ein kjem.
-
Når: November–april
-
Himmelretning: A
-
Farar: Skred, stein, skavlar, slå kneet i nasen
-
Tips: Om du er på minigolfing, start med slakt og trygt terreng for å kjenne på snøen
Sjekk ut flere flotte toppturer du kan gå i Sogn og Jølster her.