Som fleire av sidedalane til Sogndalsdalen har Frudalen fjellsider med fleire himmelretningar å velje i.
Frudalen kan by på mange flotte toppturar og ein har moglegheit for fleire rundturar.
Skituren ned brearmen på nordsida av Frudalsbreen til Vetlebotn og derfrå ned til Berge er ein topptur vi anbefalar.
Frå parkeringa kan ein nå fjella Togga, Nystølsfjellet, Skjerdingane, Salen, Bjåstadbreen, Vikaeggene, Frudalshesten, Tungeggi, Frudalsbreen, Skjerdingane på Frudalsfjellet og Lammanipa.
Ein kan gå nordover til Sogndalseggi eller ein kan gå sørover til Gunvordalsbreen og Myrdalsbreen/Voggebreen for å renne ned i Gunvordalen.
Frudalen er den høgastliggande delen av Sogndalsdalen som ein når med bil. Dette gjer til at topptursesongen i Sogndal ofte startar og sluttar her.
Parkering: Frå Sogndal er det 22 kilometer til Frudalstunnelen. Det er ein betalingsparkering, så kjøp enkeltbillett via mobiltelefon. Det er infoskilt om parkeringa.
Oversiktskart over Sogndalsdalen og Fjærland. Frå Toppturar i Sogn
Fjell og turer i oversiktskart:
11. Nystølsfjellet
13. Togga 1205
15. Salen og Bjåstadbreen
16. Frudalshesten
17. Frudalsbreen
18. Lammanipa
19. Skjerdingane på Frudalsfjellet
Sogndalsdalen og Fjærland
Området: Sogndalsdalen byr på eit nettverk av dalar og fjellmassiv med ulike terrengtypar:
Her finn du store breie snøflankar, luftige ryggar og renner for dei fleste ferdigheitsnivå.
Det nordlege området av Sogndalsdalen møter fjella på Fjærlandsida.
Fjella og dalane er forma slik at alle dalføra heng saman for skifolket. Ein kan lenke saman store delar av Sogndalsdalen med fjellovergangar.
Det er mogleg å gå lengre skiturar over fleire toppar og ende i ei anna bygd enn der du starta. Overgangane mellom fjellmassiva er innteikna på oversiktbileta.
Når det snør tett og det ikkje er vêr til topptur, kosar mange skikøyrarar seg i skogen.
I Fjærland og Sogndalsdalen er det alt frå skogskøyring med jamn hellingsvinkel til bratt skogskøyring med snøputer og naturlege hopp.
Mange blir overraska av at eit så lite geografisk område som Sogndalsdalen har så mykje flott skiterreng, og at det berre ligg 15–20 minutt frå Sogndal sentrum.
Ver, snø og sesong: Eit kjenneteikn for Sogndalsdalen er mykje snø i dalen og fjella rundt. Sesongen strekker seg frå november til og med mai.
Kart: Turkart Sogndal–Leikanger 1:50000 eller 10055 Sogndal, Norge-serien, dekker heile området som er skildra i kapitellet Sogndal og Fjærland.
Komme dit: Sogndal lufthamn, Haukåsen ligg 20 min frå Sogndal sentrum.
Det går ekspressbussar frå Oslo og Bergen med fleire daglege avgangar, samt dagleg hurtigbåt frå Bergen.
Butikkar: Det er kjøpesenter og andre butikkar i Sogndal. Ein finn også spesialbutikkar for ski og fjellsport.
Dei fleste matbutikkjedene har butikk i Sogndal. Det er fleire kafear og restaurantar å velje mellom.
Årleg vinteraktivitet: Fjellsportfestivalen i februar (fjellsportfestivalen.no)
Overnatting: Sogndal Lodge (sogndallodge.no) og Uteplassen (ute-plassen.no) på Selseng satsar spesielt på skifolk.
I Sogndal finst elles ei rad overnattingsalternativ, frå campingplassar til hotell. Sjå Sognefjord.no
Guiding: Norgesguidene (norgesguidene.no) og Bre og Fjell (breogfjell.no)
