Utstyr: Hjelm, spade, søkjestong, sendar–mottakar, randonée- eller telemarkski og vinterklede.

Farar: Dersom du følgjer den skildra ruta, kan du halde deg under 30 grader mest heile vegen, men ver varsam i kneika like under toppen. 

Vegval: Frå Ålesund følgjer ein E136 til Moa der ein tek av på E39 mot Trondheim. Ta av til høgre når du kjem til Sjøholt og følg veg 650 mot Geiranger, til du kjem til Linge. Frå Volda følgjer du E39 til du kjem ut av Kvivstunnelen. Ta her av på veg 60 til Stranda sentrum. Ta her ferje til Liabygda, og følg veg 650 til Linge. Frå Linge tek du ferja til Eidsdal, der du køyrer til Norddal. Frå botnen av Norddalen tek du oppover vegen som går over Storåsnakken til Eidsdalen. Parker ved Hatlestad-gardane i 350 meters høgd, og gå slakt inn i munninga av Dyrdalen. Frå Rellingssætra tek du deg brattare opp på Daurmålsfjellet. Herifrå følgjer du ryggen i slakt terreng heile vegen til toppen av Torvløysa.

Nedkøyring: Følgjer du same veg nedatt, får du ei flott nedkøyring i moderat skiterreng. Etter at vegen opp til Herdalssætra har opna, får du her ein relativt kort og fin skitur opp til denne stortoppen.