Utstyr: Hjelm, spade, søkjestong, sendar–mottakar, randonée- eller telemarkski og vinterklede.

Farar: Dersom ein gjer rasjonelle vegval, kan ein stort sett kan halde seg under 30 grader og dermed unngå skredterreng.

Vegval: Følg E39 frå Volda sentrum til du kjem til Kvivstunnelen. Køyr ikkje gjennom denne, men ta av til venstre og følg skilting mot Bjørke, der du kan ta ein stopp å kike på den store jettegryta like ved inngangen til tunnelen som tek deg vidare mot Viddal. Frå Viddal følgjer du vegen langs elva, forbi kraftstasjonen og vidare oppover mot Viddalsætra. Herifrå følgjer du dalføret ein liten kilometer vidare, før du sikkar oppover kuppert terreng til du når høgd 1310, aust for toppen. Køyr no ein liten bakke ned, før du går opp på høgd 1312, og vidare opp den siste bakken til topps.

Nedkøyring: Dersom du følgjer same veg nedatt, får du krusing i fint og slakt terreng. Minuset er at du må på med fellane opp mot høgd 1310, før du igjen kan kruse vidare nedover. På skredtrygge dagar tilrår vi derfor ei litt brattare nedkøyring frå høgd 1312 direkte ned mot setrevegen.