Stigning: 1100 meter frå Søre Bjørkedal. 800 meter frå Laurdalen.

Utstyr: Hjelm, spade, søkjestong, sendar–mottakar, randonée- eller telemarkski og vinterklede.

Farar: Skredterreng på veg opp mot skaret nord for toppryggen. Skavlar i toppområdet.

Vegval: Ta ferja Volda–Folkestad og hald fram på vegen til du kjem til Søre Bjørkedal etter om lag 15 km. Ta her inn på grusveg og følg skilting mot Laurdalen. Dersom vegen er fri for snø, betaler du bompengar og følgjer vegen opp til setra, og eit stykke vidare innover dalen. Kryss elva og ta sikte på kanten nord for Lisje-Toren. Følg deretter nordryggen til topps. Det er også eit alternativ å klatre opp den kvasse søraustegga med stegjarn og isøks, men då bør snøforholda vere gode. Ver særleg merksam på fare for skavlbrot her.

Nedkøyring: Følg same veg nedatt. Nordryggen er ofte avblåst, med hard snø og framstikkande steinar, men frå skaret er nedkøyringa til setra fin-fin.