Utstyr: Hjelm, spade, søkjestong, sendar–mottakar, randonée- eller telemarkski og vinterklede. 

Farar: Om ein følgjer normalvegen, unngår ein stort sett skredterreng, då ein kan halde seg under 30 grader her. Ver likevel merksam på at det i sjeldne tilfelle kan gå skred i den aller siste bakken opp mot toppen.

Vegval: Følg E39 frå Volda sentrum til du kjem ut av Kvivstunnelen. Ta her av på veg 60 mot Stranda. Følg denne i om lag 1,5 km til du ser skilting mot Skisenter ved Gausemel. Køyr no langs svingete grusvegar opp til botnstasjonen av skisenteret. Skrå oppover til venstre for trekktraseen i slakt terreng til du kjem opp på platået ved Dammane. Følg platået vestover forbi Dammane og ta inn på ryggen som leier deg opp mot toppen, via ein fortopp.

Nedkøyring: Ein kan følgje same vegen attende og få fin-fin nedkøyring i variert terreng. Som alternativ kan ein køyre ned i Guridalen og følgje denne nord for Lisjenibba før ein rundar rundt denne og tek attende til skianlegget. Denne dalen held ofte god snø.