FRIFLYT.NO

Turbeskrivelse Blægja

Skituren på Blægja er ein lang fjellskitur som mange i Gaular og Førde har hatt som årleg påsketur. Du startar turen i låglandet med panoramautsikt mot Storehesten.

Bøker
    FAKTA
    • Hovedområde: Sunnfjord
    • Underområde: Fjellskiturar
    • Toppunkt: 1304
    • Høydemeter: 1560
    • Kilometer: 29.4
    • Kart: Norge-serien: Førde, 1:50.000
    • Startsted: Osen bru
    • Beste sesong: Februar-mai
    • Ekstra utstyr: Stegjern og isøks dersom det er fare for skare i det smale partiet i siste stigninga til toppen

    Over Heilevangsstaurane går du delvis langs ein smal rygg med stupbratte fjellsider ned mot Førdefjorden og Dalsfjorden. Den harde steinsorten frå Devon-tida for omlag 400 millionar år sidan, har ført til at Storehesten og fjellkjeda mot Blægja står som eit einsamt fjellmonument i eit elles ganske så flatt landskap. Dette gjer at du frå toppen får ei opa utsikt til alle kantar, og mot vest ser du langt utover havet.

    Tilkomst/parkering: Frå Førde køyrer du E39 til du tek av mot Bygstad på fv57. På Hjelmeland køyrer du forbi krysset der fv422 tek av mot Osen bru. Kring 200 meter etter dette krysset går det ein gardsveg opp til høgre der du kan finne parkering langs vegen.

    • Sesong: Februar-mai
    • Stigning: 1560 høgdemeter
    • Fall: 1560 høgdemeter
    • Lengd: 29,4 km
    • Utstyr: Stegjern og isøks dersom det er fare for skare i det smale partiet i siste stigninga til toppen
    • Kart: Norge-serien: Førde, 1:50.000
    • Tips: Det er og muleg å starte frå vegen mot Kårstadstølen

    8.10.1 Opp via Hjelmeland Utfordrande, E2, LV

    Frå parkeringa går du mot nord langs gardsveg til Stangavatnet. Herifrå svingar du mot nordvest og følgjer åsrygg forbi Liastølen, før du svingar nordover opp mot Yndestadstølen. Forbi stølen fortset du nordover mot toppen av Oksekleivheia. Herifrå sklir du ut fjellsida mot Kvamsskaret. Partiet etter Kvamsskaret vert på folkemunne kalla Flatehesten. Ruta held fram mot nordvest på nordsida av Seltuftevatnet mot høgda 860 moh., som lokalt vert kalla Sauekranakkane. Før du passerer Selsvatnet svingar du litt meir nordvest mot Heilevangsstaurane, der du går over den første toppen som er 1231 moh. Herifrå går du i vestleg retning mot neste topp på 1223 moh. som du passerer nord for. Du får ein kort unnabakke før du tek til på siste oppstigninga langs det smale partiet som heller skrått ned mot sør, mens det mot nord er bratte fjellsider ned mot Blåfonna og Førdefjorden. 

    Heimtur: Du går same ruta attende som du gjekk opp.

    • Starthøgde: 220 moh.
    • Stigning: 1315 høgdemeter 
    • Fall: 245 høgdemeter
    • Lengd: 14,7 km frå Hjelmeland til Blægja
    • Brattaste punkt: 30-35 grader (630-680 moh.) i ­Kvamsskaret
    • Tips: Turen til Blægja kan du også gå frå Langeland Skisenter eller frå Kårstad i Bygstad. Frå Kårstad kan du følgje same oppstigning som skildra under oppstigning til toppturen Kvamshesten (Storehesten) i kapittelet Dalsfjorden og Førdefjorden
    • Farar: Langs fjellsida frå Heilevangsstaurane til Blægja ligg det store skavlar ned mot Førdefjorden som du må halde avstand til. Her er det òg eit kort smalt parti som kan vere vanskeleg å passere dersom snøen er hard og isete
    • Vanskegrad: Litt vanskeleg. Litt brattare terreng med smale passasjar, tettare skog eller trongare terreng. Terrenget har nokre brattare parti der du kan skli etter fall. Steinar, hamrar eller tett skog kan også utgjere risiko. Om snøen er hard kan du under oppstigninga måtte bruke skarejarn, eller måtte gå på skoa. Utgliding eller fall kan ved nokre tilhøve utgjere betydeleg risiko.
    Kart over Blægja med inntegnet rute. Frå Toppturar i Sunnfjord
    Kart over Blægja med inntegnet rute. Frå Toppturar i Sunnfjord
    Allerede abonnent? Logg inn her

    Bestill abonnement og få tilgang til artikkelen.

    Fri Flyt skriver om heis- og toppturbaserte skiopplevelser som vil inspirere deg til egne turer. Vi gjør grundige tester som gjør at du velger riktigere utstyr. Vi møter skikjørere som lever for livet på snøen – slik som deg.

    Fri Flyt utgis av Fri Flyt AS | Postboks 4767 Nydalen, 0421 Oslo | Tlf: 22 04 46 00
    Ansvarlig redaktør: Erlend Sande | Redaktør: Henning Reinton | Nettredaktør: Tore Meirik
    Salg og marked: Salgssjef Fri Flyt AS: Alexander Hagen | Salgskonsulent: Magnus Utkilen | Prosjektleder: Lisa Kvålshaugen Bjærum
    Daglig leder: Audun Holmøy Røhrt | Nettsiden er utviklet av Fri Flyt Byrå