0200. Ingen vits å tenkje på frukost, i ørska får eg såvidt med meg sekken på veg ut døra. Trond står klar utanfor huset sitt og ser overraskande vaken ut, og vi rullar inn på ei folketom ferje kl 0300. Dei har heldigvis sveler.

Det er høge brøytekantar opp den smale Venjedalsvegen, men vi prøvar å halde farta oppe for å greie stigninga. Vi nærmar oss det brattaste punktet då frontlyktene plutseleg fangar inn eit grevlingpar som kjem gåande mot oss midt i vegen.