Den harde steinsorten frå Devon-tida for omlag 400 millionar år sidan har ført til at fjellpartiet står som eit monument i eit elles relativt flatt område.
Med nærleiken til fjorden kjem våren tidlegare her enn elles i Sunnfjord, og du kan oppleve kontrasten mellom vårblomstring og grøne lier på dagar der snøen ligg som ei dyne over toppane.
Kvamshesten (Storehesten). Foto: Torje Bjellaas. / Toppturar i Sunnfjord.
Vêr, snø og sesong: Sjølv om fjellpartia ligg langt mot vest, er det stabile snøtilhøve når du kjem over 600 moh.
Snøen ligg kvar vinter ut mot slutten av april, og oftast eit godt stykke utover i mai månad. Då du er nær kysten, kan vêret fort endre seg, og skodda kan raskt sige innover fjella.
Kjente turer og fjell: Blægja ligg omkransa av Dalsfjorden og Førdefjorden, og er toppturen der du verkeleg får ”fjord-til-fjell”-kjensla.
Kvamhesten, meir kjent som Storehesten, er eit markert fjell som du ser som eit landemerke frå dei fleste andre toppane i Sunnfjord.
Fauskevarden er ein kort topptur, som eignar seg godt for nybegynnarar eller som ein rask ettermiddagstur.
Kart: Norge-serien Førde 1:50.000 dekkjer heile området.
Vegen hit: Frå Førde køyrer du fv609 mot Askvoll for å nå turane som ligg på sørsida av Førdefjorden. Til Bygstad køyrer du på E39 til du tek av mot fv57 til Bygstad.
Overnatting: I Førde er det to hotell, pensjonat og campingplass. Det er òg overnattingsplassar på Sande.
I Bygstad finst det nokre gardstun som tilbyr overnatting.
Butikkar, restaurantar og kafear: I Førde er det rikeleg med butikkar og handelssenter der ein kan kjøpe det meste.
Her er òg fleire sportsforretningar, kafear og restaurantar. I Bygstad og på Sande er det òg daglegvarebutikk.
Meir informasjon: Visit Sunnfjord (www.sognefjord.no/sunnfjord)
Fjellføring og kurs: Tilfjells AS (www.tilfjellsas.no)
